غالب کی غزل
نقش فریادی ہے کس کی شوخئی تحریرکا
کاغذی ہے پیرہن ہر پیکرِ تصویر کا

نقش ۔۔۔۔۔صورت فریادی ۔۔۔۔فریاد کرنے والا شوخئی تحریر۔۔۔۔۔تحریر کی عمدگی کاغذی پیرہن۔۔۔۔۔۔۔۔۔کاغذی لباس پیکر۔۔۔۔۔۔۔۔ جسم شوخی ۔۔۔۔۔۔۔مہارت و فنی چالاکی
تصویر کس کی شوخی تحریر کا فریادی ہے کہ ہر تصویر نے کاغذی لباس پہن رکھا ہے
۔کاغذی پیرہن تلمیح ہے ۔ایران میں رسم ہے کہ فریاد کرنے والاکاغذکا لباس پہن کر حاکم کے پاس جاتا تھا ۔
/تصویر بزبانِ حال فریاد کررہی ہے کہ اب جو ہستی کاجامہ پہنا تو زاتِ حقیقی سے جدائی ہوئی جو تکلیف دہ ہے ،تصویر اپنی بے ثباتی کا اظہار کر رہی ہے۔اے خالقِ کائینات اگر اپنی ہدایت سے مجھے بھی کچھ دے دیتا تو کیا کمی آجاتی ۔
/ہر نقش اپنے نقاش سے فریاد کر رہا ہے کہ اس نے اس کو بنا کر وجود کی ازیتوں میں مبتلہ کر کے کیوں چھوڑ دیا گیا ہے ،ایسا معلوم ہوتا ہے کہ نقاش اپنے شوخی تحریر کا اظہار کرنا چاھتا تھا او اب نقاش اور اب نقاش کو اس سے کوئی غرض نہیں کہ نقش پر کیا گذر رہی ہے۔
مراعات الظیر موجود ہے (نقش ،تحریر ،کاغزی ،پیکر ،تصویر۔پیرہن )

مصنف مرحوم ايک خط ميں خود اس مطلع کے معني بيان کرتے ہيں کہتے ہيں ، ايران ميں رسم ہے کہ داد خواہ کاغذ کے کپڑے پہن کر حاکم کے سامنے جاتا ہے ، جيسے مشعل دن کو جلانا يا خون آلودہ کپڑا بانس پر لٹکا لے جانا ، پس شاعر خيال کرتا ہے کہ نقش کس کي شوخي تحرير کا فريادي ہے کہ جو صورتِ تصوير ہے ، اُس کا پيرہن کاغذي ہے

شعر 2۔۔۔کاوِ  کاوِ  سخت جاني ہائے تنہائي نہ پوچھ
            صبح کرنا شام کا لانا ہے جوئے شير کا
تلمیح۔۔۔۔۔۔۔۔۔۔۔۔۔۔۔۔ ۔جوئے شیر

کاوِ  کاوِ۔۔۔۔۔۔۔۔۔۔۔۔  کھودنا۔زخم کا ناخن سے کریدنا ا
سخت جانی ۔۔۔۔۔۔۔۔سخت محنر ،جفا کشی ۔اتنہائي تکلیف جھیلنے کی اہلیت
 اے مخاطب تو جدائی کی تکلیفوں کو جنہین میں انتایئ محنت ،مشکلوں اور مصیبتوں سے برداشت کر رہا ہون کرید کرید کر نہ پوچھو کیوںکہ جدائی کی صبح کا شام کرنا ایسے ہی ہے جیسے پہاڑ کاٹ کر جوئے شیر لانا
 اُسے کچھ نہ پوچھ رات کا کاٹنا اور صبح کرنا جوئے شير کے لانے سے کم نہیں۔ جس طرح جوئے شير لانا فرہاد کے لئے دُشوار کام تھا
 اسي طرح صبح کرنا مجھے بہت ہي دُشوار ہے - اس شعر ميں شاعر نے اپنے تئيں کوہکن اور اپني سخت جاني شب ہجر کو کوہ اور سپيدۂ صبح کو جوئے شير سے تشبيہ دي ہے -

شعر 3۔۔۔۔جذبۂ بے اختيارِ  شوق ديکھا چاہئے
سينۂ شمشير سے باہر ہے دم شمشير کا

دم کے معني سانس اور باڑھ اور يہاں دونوں معني تعلق و مناسبت رکھتے ہيں کہ سينۂ شمشير کہا ہے ، مطلب يہ ہے کہ ميرے اشتياق قتل ميں ايسا جذب و کشش ہے کہ تلوار کے سينہ سے اس کا دم باہر کھينچ آيا -

میرے شوق شہادت کے جذبہ ء بےاختیار کو دیکھیئے کہ قاتل کی تلوار بھی قتل کے لیئے بے اختیار ہو گئی ہے ۔(دھار باہر نکلی ہوئی ہوتی  ہے ،شاعر کہتا ہے شوق شہادت کی بے اختیاری دیکھیئے کہ تلوار کی دھار بھی مجھے قتل کرنے کے لیئے اس کے سینے سے باہر نکل آئی ہے

 شعر 4۔۔۔۔۔۔۔آگہي دامِ  شنيدن جس قدر چاہے بچھائے
                مدعا عنقا ہے اپنے عالم تقرير کا
آگہی ۔۔۔۔عقل فہم و فراست
دامَ شنیدن بچھانا ۔۔۔سننے کا جال بچھانا
عنقا ۔۔۔۔۔۔۔۔۔۔۔۔۔۔جو چیز نایاب ہو،(ایک فرضی پرندہ جس کا نام سنا ہوا ہے مگر دیکھا کسی نے نہیں ۔
مدعا عنقا۔۔۔۔۔۔۔۔۔مفہوم کا موجود نہ ہونا
عالمِ تقریر ۔۔۔۔عالمِ شعر گوئی ۔

اے عقل تجھ سے جس قدر ممکن ہو سکے میرے اشعار سن مگر ان معنی اور مفہوم کو جو بجز عنقا ہیں ۔ہر گز ہر گز نہیں پاسکے گی بے شک جتنے بھی جال پھیلا دو اس کے معنی ہی سمجھ نہیں آئیں گے

يعني ميري تقرير کو جس قدر جي چاہے سنو ، اُس کے مطلب کو پہنچنا محال ہے ، اگر شوق آگہي نے صياد بن کر شنيدن کا جال بچھايا بھي تو کيا ، ميري تقرير کا مطلب طائر عنقا ہے جو کبھي اسير دام نہيں ہونے کا غرض
يہ ہے کہ ميرے اشعار سراسر اسرار ہيں -
بسکہ ہوں غالب اسيري ميں بھي آتش زيرپا


شعر 5۔۔۔۔۔۔۔۔۔بس کہ ہوں غالب اسیری میں بھی آتشِ زیرِ پا
                موئے آتش ديدہ ہے حلقہ مري زنجير کا

آتشِ زیرِ پا۔۔۔۔۔۔۔۔۔پاؤں کے نیچے آگ۔مضطرب اور بے چین
موئے آتشِ دیدہ ۔۔۔۔۔۔۔۔بال جو آگ کے کو دیکھ کر حلقہ دار اور کمزور ہو گیا ہو
اسیری ۔۔۔۔۔۔۔۔قید
حلقہ ۔۔۔۔۔۔۔۔۔زنجیر کی کڑی

 اے غالب قیدِ عشق میں  میں اسقدر بےقرار ہوں کہ میرے پاؤں میں اگر لوہے کی زنجیر بھی ہوتی تو بھی اس آگ میں جل کر کمزور اور لاغر ہو جاتی
 
                مضطرب اور بے تاب کو آتش زيرپا کہتے ہيں اور آتش جب ديرپا ہوئي تو زنجيرپا گويا موئے آتش ديدہ ہے اور يہ معلوم ہے کہ بال آگ کو ديکھ کر پيچ دار ہو جاتا ہے اور حلقۂ زنجير کي سي ہيئت پيدا کرتا ہے -